బాడీ ప్రెజర్ లేదు జనరేటర్ పనిచేయదు
అంబులెన్స్ లేక అవస్థలు
వైద్యుల భర్తీ ఎప్పటికో
ల్యాబ్ లో ఎ టెస్ట్ లు చేస్తున్నారో తెలియని ల్యాబ్ వైద్యులు
వైద్యశాలకు వెళ్లాలంటేనే బేబేలేత్తున్న జనం
సర్వ వైద్యశాలకు వీడని గ్రహణం.
అన్నమయ్య జిల్లా నవంబర్ 16
( నవ్యంధ్ర న్యూస్ )
రాజంపేట సర్వజన వైద్యశాలకు పట్టిన గ్రహణం ఇప్పటికి
వీడడం లేదు. అనేక సంవత్సరాలుగా సమస్యలసుడిగుండంలో ఈ వైద్యశాల కొట్టుమిట్టాడుతుంది. పేరుకు సర్వజన ఆసుపత్రి అయినా అక్కడ వసతులు మాత్రం అంతంత మాత్రం గానే ఉన్నాయన్న విమర్శలు పెద్ద ఎత్తున
వినపడుతున్నాయి. కోట్లాది రూపాయలు ఖర్చు చేసి వైద్యశాలను అభివృద్ధి చేసిన ఇక్కడికి వచ్చేరోగులకు కావలసిన వసతులు మాత్రం అంతమాత్రంగానే ఉండడం గమనార్హం. సర్వజన వైద్యశాల అభివృద్ధి వైపు నాయకులు ఎవరూ పెద్దగా దృష్టి సారించకపోవడంతో పరిస్థితి రోజు రోజుకు దిగజారుతుంది.వైద్యుల కొరత వైద్యశాలను వేధిస్తుంది. కూటమి ప్రభుత్వం వచ్చాకఐనా పరిస్థితి మారుతుందిలే అనుకున్న ప్రజలకు చేదు అనుభవాలే
కనిపిస్తున్నాయి. ప్రధానంగా ఎవరైనా అనారోగ్యంతో వెళ్లిన సాధారణ వైద్యం లభిస్తుందే తప్ప అత్యవసర వైద్యసేవలు మాత్రం లభించకపోవడం బాధాకరం.ముఖ్యంగా
ఈ వైద్యశాలలో ఉండాల్సిన ఆర్థోపెడిక్ కంటి,పంటి వైద్యులు లేకపోవడం వైద్యశాలను ప్రధానంగా పట్టిపీడిస్తున్న సమస్యలుగాచెప్పవచ్చు. ఎక్కడ ఏ ప్రమాదం
చోటు చేసుకున్న వెంటనే రాజంపేట వైద్యశాలకు తరలించడంఆనవాయితీ అయితే ఇక్కడ మాత్రం అత్యవసర (ప్రధమచికిత్స ) వైద్యసేవలు అందించి కడప లేదా తిరుపతికి వెళ్ళమనడం అనాదిగా వస్తున్న పద్ధతి అని చెప్పవచ్చు.
ఇక వైద్యశాలలో అనేక సంవత్సరాలుగా జనరేటర్ లేకఇబ్బందులు పడుతున్నారు.విద్యుత్ పోతే ఇక రోగుల పరిస్థితి అంతే సంగతులు అని చెప్పవచ్చు. ఈ సమస్య దశాబ్దాలుగా ఉన్న ఎవరు పెద్దగా దృష్టి సారించకపోవడం బాధాకరం. కనీసం ఉన్న జనరేటర్ మరమ్మతులు కూడా చేయించలేని పరిస్థితిలో
వైద్యఅధికారులు ఉన్నారన్న ఆరోపణలు వినపడుతున్నాయి.
ఇక ఎవరైనా రోడ్డు ప్రమాదాలు,
ఆత్మహత్యలు చేసుకుని మృతి చెందిన మృత దేహలను పంచనామా నిమిత్తం మృతదేహాలను భద్రంగా ఉంచేందుకు అందుబాటులో ఉండాల్సిన బాడీఫ్రీజర్ లేకపోవడంతో ప్రైవేట్ వ్యక్తులకు కనకవర్షం కురిపిస్తుంది.బాడీఫ్రీజర్ల డిమాండ్ యజమానులకు ఆదాయ వనరులుగా మారగా బాధితుల జేబులకు చిల్లులు పడుతున్నాయి.
ఈ సమాచారం అందరికీ తెలిసిన ఎవ్వురు పట్టించుకోకపోవడంలో ఆంతర్యం అర్థం కావడంలేదు గత కొద్ది కాలంగా లిఫ్ట్ పని చేయకపోవడంతో ఇటీవలే దానిని బాగు చేసినట్లు తెలిసింది. ఆసుపత్రి వైద్యశాల ప్రధాన అధికారి
ఈ సమస్యలపై ఎందుకు దృష్టి సారించడం లేదో అర్థం కావడంలేదు. ప్రమాదాలకు గురైన బాధితులు ఆసుపత్రికి వెళ్లిన వైద్యం మాత్రం అంతంత మాత్రమేనని ప్రజల నుండి విమర్శలు
వెలువెత్తుతున్నాయి.
కుని సాధారణ శాస్త్ర చికిత్సలు నిర్వహించే సమయంలో విద్యుత్తు పోతే అంతే సంగతులని పలువురు అంటున్నారు. ఇంత పెద్ద వైద్యశాలలో చిన్న చిన్న సమస్యలు పెద్దవిగా మారి ఆసుపత్రికి వచ్చే రోగులు, బాధితుల పట్ల శాపాలుగా మారాయి. కొందరు ప్రైవేటు వ్యక్తుల కనుసనలలో కొన్ని సేవలు అందిస్తుండడం పట్ల పెద్ద ఎత్తున విమర్శలు వెళ్లు వెత్తుతున్నాయి.గతంలో అప్పటి శాసనసభ్యులు మేడా మల్లికార్జునరెడ్డి అంబులెన్స్ ను అందజేశారు. అయితే ఆంబులెన్స్ ప్రమాదానికి గురికావడంతో ఇక కొత్త అంబులెన్స్ లేక ప్రజలు పడుతున్న పాట్లు అన్నీఇన్ని కావు. రాజంపేట డివిజన్ ప్రధాన కేంద్రం కావడంతో పాటు ఇక్కడ ఎంపీ, ఎమ్మెల్యే,రాజ్యసభ సభ్యుడు,తెలుగుదేశం ఇంచార్జ్,భాజపా అధ్యక్షులు,జనసేన పార్లమెంట్ ఇన్చార్జ్ రాష్ట్ర స్థాయి నాయకులు ఉన్నప్పటికీ సర్వజన ఆసుపత్రికి ఎటువంటి లాభం చేకూరడం లేదన్న విమర్శలు పెద్ద ఎత్తున వినపడుతున్నాయి.
ఈ వైద్యశాలలో ఉన్న సమస్యల పట్ల ప్రజాప్రతినిధులు, అధికారులు,కూటమి నేతలు,స్పందించాలని ప్రజలు కోరుతున్నారు.