బాలుడికి కలలో కనిపించిన శివుడు
బాలుడికి శివుడు కలలో కనిపించి అడవిలోని పుట్ట వద్దకు వెళ్లమని చెప్పడంతో బాలుడు అడవిలోని పుట్ట వద్దకు వెళ్లి చూడగా పుట్టలో శివలింగం దర్శనమిచ్చినది.
నెల్లూరు జిల్లా నవంబర్ 28
(నవ్యంధ్ర న్యూస్ )
పోదలకూరు మండలపరిధిలోని పులికల్లు గ్రామం ఎస్టి కాలినిలో నివాసం ఉండే నాగేంద్ర అనే బాలుడుకి కలలో శివుడి కనిపించి అడవిలోని పుట్ట వద్దకు వెళ్ళమని చెప్పడంతో బాలుడు అడవిలోని పుట్ట వద్దకు వెళ్లి చూడగా పుట్టలో శివలింగం దర్శనమిచ్చినది పుట్టలో దర్శనమిచ్చిన
శివలింగాన్ని బయటకు తీశాడు.తొలుత ఎవరూ నమ్మకపోయినా, పట్టుదలతో లింగాన్ని వెలికితీసి, తన ఇంటి వద్ద చిన్న గుడిలో ప్రతిష్టించి పూజలు నిర్వహిస్తున్నాడు.
ఈ అద్భుత సంఘటన స్థానికులను ఆశ్చర్యానికి గురిచేస్తూ,బాలుడి భక్తిని ప్రశంసించేలా ఉన్నదని పలువురు వాపోతున్నారు. నాగేంద్రకు గత మూడు నెలలుగా శివుడు కలలో దర్శనమిస్తున్నాడని శివుడు తాను ఫలానా చోట పుట్టలో ఉన్నానని, తనను అక్కడి నుంచి తీసుకెళ్లి పూజలు నిర్వహించాలని బాలుడికి చెప్పినట్లు బాలుడు కుటుంబ సభ్యులు,గ్రామస్తులకు చెప్పగా,తెలియక మాట్లాడుతున్నాడని నమ్మలేదని.10 రోజుల క్రితం, బాలుడు కొంతమంది గ్రామస్తులను ఒప్పించి, కాలనీకి మూడు కిలోమీటర్ల దూరంలో ఉన్న అటవీ ప్రాంతంలోని పుట్ట వద్దకు తీసుకెళ్ళగా అక్కడ నాగుపాము
కనిపించడంతో వారు వెనుదిరిగారు.తిరిగి సోమవారం పుట్ట వద్దకు వెళ్లి,పుట్టను తవ్వి చూడగా పుట్టలో శివలింగం దర్శనమిచ్చినది పుట్టలో శివలింగాన్ని కాలనీలోని నాగేంద్ర ఇంటి సమీపంలోని ఖాళీ స్థలంలో మూడు వైపులా ఇటుకలు పేర్చి, దానిపై ఒక సిమెంట్ అచ్చును ఏర్పాటు చేసి చిన్న గుడిగా భావించి, అందులో శివలింగాన్ని ప్రతిష్టించి నిత్యం పూజలు చేస్తున్నాడు.
ఈ సమాచారం పరిసర ప్రాంత భక్తులకు తెలియడంతో భక్తులు శివలింగాన్ని దర్శించుకుని బాలుడి భక్తి శ్రద్ధలను చూసి ఆశ్చర్యపోతూ అభినందిస్తున్నారు.