రాజంపేట ( నవ్యాంధ్ర న్యూస్ )
అన్నమయ్య జయంతి ఉత్సవాలలో భాగంగా అన్నమయ్య 108 అడుగుల విగ్రహం వద్ద శ్రీదేవి భూదేవి సమేత శ్రీనివాస స్వామి వారికి వైభవంగా ఊంజల్ సేవ నిర్వహించారు.
ఈ ఊoజల్ సేవను తిరుమల దేవస్థాన వేద పండితులు స్వామివారిని ప్రత్యేక అలంకరణలో కొలువుదిర్చి ఊయలలో కూర్చోబెట్టి సంప్రదాయబద్ధంగా అన్నమయ్య సంకీర్తన లనడుమ స్వామివారికి ఊంజల్ కార్యక్రమాన్ని నిర్వహించారు. ఈ సందర్భంగా స్వామివారికి రాజంపేటకు చెందిన శర్మ స్వామి బ్రాహ్మణ సంఘం ఆధ్వర్యంలో పట్టు వస్త్రాలను సమర్పించారు. తిరుమల తిరుపతి దేవస్థానంలో ఆధ్వర్యంలో నిర్వహించిన ఈ కార్యక్రమానికి అన్నమయ్య జయంతి ఉత్సవాల సమన్వయకర్త లత, అన్నమాచార్య ప్రాజెక్టు జూనియర్ అసిస్టెంట్ అనిల్, అన్నమయ్య వంశీకులు హరి నారాయణ చార్యులు, తాళ్లపాక ఆలయాల ఇన్స్పెక్టర్ బాలాజీ, బిజెపి రాష్ట్ర కార్యవర్గ సభ్యులు పోతు గుంట రమేష్ నాయుడు, తాళ్లపాక గ్రామస్తులు ఉద్దండం సుబ్రహ్మణ్యం, జవాజి అదృష్టదీపుడు, జవాజి సుదర్శన్, మోహన్ రావుల తో పాటు రాజంపేట చుట్టుపక్కల ప్రాంతాల నుంచి అదేవిధంగా సంఖ్యలో భక్తులు హాజరై స్వామి వారి ఊంజల సేవ కార్యక్రమాన్ని భక్తిశ్రద్ధలతో తిలకించారు. చివరగా భక్తులందరికీ తిరుమల తిరుపతి దేవస్థానంలో ఆధ్వర్యంలో ప్రసాదాలను పంపిణీ చేశారు.

