నియోజకవర్గం సమగ్ర అభివృద్ధికి అన్ని శాఖల అధికారులు,సిబ్బంది నిబద్ధతతో పనిచేయాలి.

జిల్లా కలెక్టర్ నిశాంత్ కుమార్

అన్నమయ్య జిల్లా సెప్టెంబర్ 19

( నవ్యాంధ్ర న్యూస్ )

రాజంపేట నియోజకవర్గ సమగ్ర అభివృద్ధికి అన్ని శాఖల అధికారులు,
సిబ్బంది నిబద్ధతతో పని చేయాలని జిల్లా కలెక్టర్ నిశాంత్ కుమార్ ఆదేశించారు.
రాజంపేట సబ్ కలెక్టర్ కార్యాలయ సమావేశ భవనంలో శుక్రవారం అసెంబ్లీ నియోజకవర్గ తహసీల్దార్ లు, ఎంపీడీవోలు,వివిధ శాఖల మండల స్థాయి సిబ్బంది తదితరులతో రెవెన్యూ,వ్యవసాయ ఉద్యానవన,గ్రామీణ నీటి సరఫరా,విద్యుత్, తదితర అంశాల పై జిల్లా కలెక్టర్ నిశాంత్ కుమార్ నియోజకవర్గ స్థాయి సమీక్ష సమావేశాన్ని
సబ్ కలెక్టర్ హెచ్ ఎస్ భావన అధ్యక్షతన నిర్వహించారు
నియోజకవర్గ వివిధ అంశాలను జిల్లా కలెక్టర్ కు వివరించారు
ఈ సందర్భంగా జిల్లా కలెక్టర్ మాట్లాడుతూ… పరిపాలనలో సమస్య వచ్చిన తర్వాత దానిపై స్పందించడం కాకుండా ప్రో యాక్టివ్ గా ఉండాలని, సమస్య రాకముందే సమస్యలను గుర్తించి పరిష్కరించే విధంగా పాలన సాగాలని పేర్కొన్నారు.
మున్సిపాలిటీ డ్రైనేజీ వ్యవస్థ చెత్త సేకరణ ప్రజారోగ్య సిబ్బంది తదితర అంశాల పై మున్సిపల్ కమిషనర్ తో వివిధ వివరాలు అడిగి తెలుసుకున్నారు. నీటి సరఫరా పై దృష్టి సారించి ఇంజనీరింగ్ అసిస్టెంట్లను,శానిటేషన్ సిబ్బందిని
సమర్థవంతంగా వినియోగించుకొని సురక్షితమైన నీటి సరఫరా చర్యలు తీసుకోవాలన్నారు.
వ్యవసాయం పై సమీక్షిస్తూ నియోజకవర్గంలో పండిస్తున్న వివిధ రకాల పంటలు వాటి విస్తీర్ణత దృష్టి సారించాల్సిన అంశాల పై వ్యవసాయ శాఖ అధికారిని వివరాలు అడిగి తెలుసుకున్నారు. ఉద్యానవన శాఖ సమీక్షిస్తూ
నియోజకవర్గంలో ఎక్కువగా పండిస్తున్న మామిడి అరటి పంటల పై వివరాలు అడిగి
ఈ ఆర్థిక సంవత్సరంలో నిర్దేశించిన లక్ష్యాలు ఇతర సమస్యలపై వివరాలను ఉద్యానవన శాఖ అధికారిని అడిగి తెలుసుకున్నారు. పశుసంవర్ధక శాఖ పై సమీక్షిస్తూ నియోజకవర్గంలో పశుసంపద వాటికి వ్యాక్సినేషన్ కార్యక్రమం నిర్వహిస్తున్నారానని పశుసంవర్ధక శాఖ అధికారిని అడిగి తెలుసుకున్నారు. రహదారులు భవనాలు శాఖలో పెండింగ్ పనుల పై వివిధ వివరాలను తెలుసుకున్నారు. రహదారులు భవనాల శాఖ పంచాయతీరాజ్ ఇంజనీరింగ్ శాఖ సమన్వయంతో పనిచేసి రాష్ట్రస్థాయి రహదారులు జాతీయ రహదారులతో కలిసేలా ప్రణాళికల రూపొందించుకొని ఆర్థిక అభివృద్ధికి కృషి చేయాలన్నారు. వైద్య ఆరోగ్యశాఖ,ఐసిడిఎస్ శాఖలవారు సమన్వయంతో పని చేయాలన్నారు. అదనపు పీహెచ్సీలు అవసరమైన చోట నివేదికలను రూపొందించి రాష్ట్ర ప్రభుత్వానికి పంపాలన్నారు. విద్యాశాఖ పై సమీక్షిస్తూ నియోజకవర్గంలో ఏ ఏ పాఠశాలలలో ఏ సబ్జెక్టులలో విద్యార్థుల నైపుణ్యత తక్కువగా ఉంది ఎందుకు తక్కువగా ఉంది వంటి ప్రశ్నలు విద్యాశాఖ అధికారిని అడిగి తెలుసుకున్నారు. స్త్రీ శక్తి పథకంలో బస్సులలో ఆకుపన్సి రేషియో తదితర అంశాల పై ఆర్టీసీ అధికారిని అడిగి తెలుసుకున్నారు. హౌసింగ్ శాఖపై సమీక్షిస్తూ స్టేజ్ కన్వర్షన్, లేఔట్లలో నిర్మాణాలు పూర్తి కాకపోవడానికి కారణాలు తదితర అంశాలను హౌసింగ్ శాఖ సిబ్బందిని అడిగి తెలుసుకున్నారు. గ్రామీణ నీటి సరఫరా పై సమీక్షిస్తూ ప్రస్తుతం చేపడుతున్న వాటర్ గ్రిడ్ ప్రాజెక్టు పై వివిధ వివరాలు అడిగి తెలుసుకున్నారు. విద్యుత్ శాఖపై సమీక్షిస్తూ ప్రధానమంత్రి కుసుం,సూర్య ఘర్ పథకాల వివిధ అంశాలను అడిగి తెలుసుకున్నారు. చెత్త సేకరణ పై దృష్టి సారించాలని
అన్ని మండలాల ఎంపీడీవోలను ఆదేశించారు.
అనంతరం నియోజకవర్గంలోని వివిధ మండలాలలో దృష్టి సారించాల్సిన అంశాలను మండలాల ఎంపీడీవోలు జిల్లా కలెక్టర్ కు వివరించారు.
ఈ సమావేశంలో నియోజకవర్గ మండలాల తహసీల్దార్ లు, ఎంపీడీవోలు, వివిధ శాఖల సిబ్బంది, తదితరులు పాల్గొన్నారు.