అన్నమయ్య జిల్లా నవంబర్ 18
(నవ్యంధ్ర న్యూస్ )
దేశంలో జనగణనతో పాటు కులగణన జరపాలన్న డిమాండ్‌తో, భారత కమ్యూనిస్టు పార్టీ (సిపిఐ) రాష్ట్ర సమితి పిలుపు మేరకు మంగళవారం
రాజంపేట బైపాస్ రోడ్డు అంబేద్కర్ విగ్రహం వద్ద నిరసన వ్యక్తం చేశారు. ఈ సందర్బంగా సిపిఐ పట్టణ కార్యదర్శి సికిందర్ మాట్లాడుతూ దేశంలో రాజ్యాంగాన్ని పూర్తి స్థాయిలో అమలు చేయకపోవడం వల్ల అణగారిన వర్గాలకు న్యాయం అందడం లేదని ఆవేదన వ్యక్తం చేశారు. ప్రజలకు కావాల్సింది మతగణన కాదు – కులగణనన్నారు. జనాభా ప్రాతిపదికన స్థానిక సంస్థల ఎన్నికలలో రిజర్వేషన్లు నిర్ధారించాలని,సీట్ల పంపకం కాకుండా దేశ సంపదలో సమాన పంపకం జరగాలని డిమాండ్ చేశారు
స్వతంత్ర భారతంలో ఇప్పటికీ అనేక కులాలకు స్వాతంత్ర ఫలాలు అందలేదన్నారు.
చాలా తక్కువ జనాభా ఉన్న కులాలు రాజకీయ ఆధిపత్యాన్ని సాధించి పాలక వర్గాలుగా మారగా, 80% వరకు జనాభా కలిగిన మిన్న కులాలు మాత్రం అణగారిన స్థితిలో ఉన్నారన్నారు.
దేశంలో ఎస్సీ,ఎస్టీ,బీసీ, మైనార్టీలపై పెరుగుతున్న దాడులు కేంద్రంలో అధికారంలో ఉన్న బిజెపి, అనుబంధ సంఘాల ఆలోచనల ఫలితమని ఆరోపించారు.
ఈ కార్యక్రమంలో సిపిఐ పట్టణ నాయకులు నాగేశ్వరరావు,రమణ, మస్తాన్,వెంకటయ్య, హరి,నరేష్ ,శివ ఉదయ్ శ్రీను,శివ,మహేష్ తదితరులు పాల్గొన్నారు