జాతీయ కబడ్డీ టోర్నమెంట్ అండర్ – 17 ఆంధ్రప్రదేశ్ జట్టుకు ప్రాతినిధ్యం వహించేందుకు ఎంపికైన శాన్వి ఇంటర్నేషనల్ స్కూల్ విద్యార్థిని
అన్నమయ్య జిల్లా నవంబర్ 24
(నవ్యంధ్ర న్యూస్ )
రాజంపేట మండల పరిధిలోని తాళ్లపాక ఎల్లగడ్డలోని శాన్వి ఇంటర్నేషనల్ స్కూల్ లో
పదోతరగతి విద్యను అభ్యశిస్తున్న మిస్ దీపిక, జాతీయ కబడ్డీ టోర్నమెంట్ అండర్ – 17 ఆంధ్రప్రదేశ్ జట్టుకు ప్రాతినిధ్యం వహించేందుకు ఎంపిక కావడంతో ఒక అద్భుతమైన విజయాన్ని అందుకుని పాఠశాలకే గర్వకారణంగా నిలిచింది. ఇటీవల కర్నూలులో నిర్వహించిన రాష్ట్ర స్థాయిఛాంపియన్‌షిప్‌లో దీపిక చూపిన అసాధారణ క్రీడా ప్రదర్శన,అంకితభావం అందరికీ
ఆదర్శవంతమైంది.
ఈ సందర్బంగా పాఠశాల అధ్యక్షులు కొండురు శరత్ కుమార్ రాజు దీపికను అభినందిస్తూ ఆమె ప్రతిభ మరెందరో యువ క్రీడాకారుణులు, క్రీడాకారులకు ప్రేరణ నిచ్చినదన్నారు. విద్య,క్రీడలను సమతుల్యం చేస్తూ, జాతీయ వేదికపై ప్రకాశవంతమైన విజయాలు సాధించి దేశానికి,మన రాష్ట్రానికి గర్వకారణం కావాలని ఆకాంక్షించారు.
దీపిక అభివృద్ధిలో ఎల్లప్పుడూ తోడ్పాటు అందిస్తున్న ఆమె తల్లిదండ్రులకు హృదయపూర్వక కృతజ్ఞతలు తెలిపారు. దీపికకు ఉత్తమ శిక్షణనందించి
ఈ స్థాయికి తీసుకువచ్చిన పిఈటిలు ఆనంద్,పవన్ సేవలను ప్రత్యేకంగా
అభినందించారు.
ప్రిన్సిపాల్ ప్రభాకర్ దీపిక క్రమశిక్షణ,పట్టుదలను అభినందిస్తూ ఈ గొప్ప విజయాన్ని ఉపాధ్యాయులు, విద్యార్థులతో కలిసి సంబరంగా నిర్వహించుకున్నారు
దీపిక జాతీయ స్థాయిలో రాణించి ఛాంపియన్ గా విజయకేతనం ఎగురవేయాలని శుభాకాంక్షలు తెలియజేశారు.