అన్నమయ్య జిల్లా నవంబర్ 22
(నవ్యంధ్ర న్యూస్ )
రాజంపేట రాయచోటి ప్రధాన రహదారిలోని తిరుమల కల్యాణమండపంలో ఆంధ్రప్రదేశ్ రాష్ట్ర ఇండియన్ మెడికల్ అసోసియేషన్ (ఐఎంఏ) అధ్యక్షుణి గా నియుమితులైన డాక్టర్ సంగరాజు బాలరాజు శనివారం ప్రమాణ స్వీకారం చేశారు.
ఈ ప్రమాణ స్వీకార కార్యక్రమంలో శ్రీశైల ఆలయ అధ్యక్షులు పోతుగుంట రమేష్ నాయుడు ముఖ్య అతిథిగా పాల్గొని డాక్టర్ బాలరాజును శాలువాతో ఘనంగా సత్కరించి స్వామి వారి వస్త్రము ప్రసాదం అందజేసి శుభాకాంక్షలు తెలియజేశారు.
ఈ సందర్బంగా పోతుగుంట రమేష్ నాయుడు మాట్లాడుతూ ప్రజలకు ఐఎంఏ ద్వారా మెరుగైన సేవలు అందించాలన్నారు.
ఈ కార్యక్రమంలో ఐఎంఏ నేషనల్ అధ్యక్షులు అగర్వాల్, ఏపీ మెడికల్ కౌన్సిల్ అధ్యక్షులు డాక్టర్ శ్రీహరి,కమిటీ సభ్యులు బిజెపి ఓబీసీ మోర్చా రాష్ట్ర అధికార ప్రతినిధి పట్టుపోగుల ఆదినారాయణ, తదితరులు పాల్గొన్నారు.

