అన్నమయ్య జిల్లా నవంబర్ 28
(నవ్యంధ్ర న్యూస్ )
జిల్లా ప్రజలు ‘దిత్వా’ తుపాను ముప్పు నేపథ్యంలో మూడు రోజులు అప్రమత్తంగా ఉండాలని ఎస్పీ శ్రీ ధీరజ్ కునుబిల్లి హెచ్చరించారు
దిత్వా’ తుపాను ప్రభావంతో రానున్న మూడు రోజుల పాటు జిల్లాలో భారీ నుంచి అతి భారీ వర్షాలు కురిసే అవకాశం ఉందని
జిల్లా పోలీసు శాఖ హెచ్చరించింది.
ఈ మేరకు జిల్లా ఎస్పీ శ్రీ ధీరజ్ కునుబిల్లి జిల్లా ప్రజలను ఉద్దేశించి శుక్రవారం ఒక అత్యవసర ప్రకటనను విడుదల చేశారు.
భారీ వర్షాలు,బలమైన ఈదురుగాలుల నేపథ్యంలో ప్రజలు తీసుకోవాల్సిన జాగ్రత్తలు,పోలీసు అధికారులకు ముఖ్య సూచనలు జారీ చేశారు.
ప్రజలకు ఎస్పీ విజ్ఞప్తి
అత్యవసరమైతే తప్ప ప్రజలు అనవసరంగా ఇళ్ల నుండి బయటకు రావద్దు.సురక్షిత ప్రాంతాలలో ఉండాలని
శిథిలావస్థలో ఉన్న గోడలు,పాతభవనాలు, కరెంట్ స్తంభాలు,
భారీ వృక్షాలు ఉన్న ప్రాంతాలకు దూరంగా ఉండాలని రానున్న
మూడు రోజులు రోడ్లపైకి వర్షపు నీరు చేరేఅవకాశం ఉన్నందున,సుదూర ప్రయాణాలను పూర్తిగా వాయిదా వేసుకోవాలి.
విద్యుత్ తీగలు తెగిపడినట్లు లేదా స్తంభాలు పడిపోయినట్లు గమనిస్తే,వాటిని తాకకుండా వెంటనే విద్యుత్ శాఖ లేదా స్థానిక పోలీసులకు సమాచారం అందించాలని
ఏవైనా అత్యవసర పరిస్థితులు, ఆపదలు ఎదురైతే తక్షణమే 112 లేదా స్థానిక పోలీస్ స్టేషన్‌కు ఫోన్ చేయాలని
పోలీస్ అధికారులకు ఎస్పీసూచనలుఇచ్చారు.
అన్ని పోలీస్ స్టేషన్ ల సిబ్బంది 24 గంటలూ అందుబాటులో ఉండాలని.విధుల పట్ల అంకితభావంతో పనిచేయాలని రెవెన్యూ, విద్యుత్, మున్సిపల్/పంచాయతీ, అగ్నిమాపక దళం (ఫైర్ సర్వీసెస్) వంటి ఇతర ప్రభుత్వ శాఖల సమన్వయంతో పనిచేయాలని
లోతట్టు ప్రాంతాలు, వంతెనల వద్ద నీరు చేరితే తక్షణమే ప్రజలను అప్రమత్తం చేసి, ట్రాఫిక్ మళ్లింపు చర్యలు చేపట్టాలని వరద ప్రభావిత ప్రాంతాలలో తక్షణ సహాయక చర్యలు చేపట్టడానికి తగిన రెస్క్యూ పరికరాలను సిద్ధం చేసుకోవాలని.
తుపాను పరిస్థితిని, తీసుకోవాల్సిన జాగ్రత్తలను స్థానిక మైకుల ద్వారా, సోషల్ మీడియా ద్వారా ఎప్పటికప్పుడు ప్రజలకు తెలియజేయాలని
ప్రజల భద్రతకు పోలీసులు అంకితమై పనిచేస్తారని, ప్రతి ఒక్కరూ విపత్తు తీవ్రతను అర్థం చేసుకుని, స్వయంగా జాగ్రత్తలు తీసుకుని, పోలీసులకు
సహకరించాలని, జిల్లా ఎస్పీ శ్రీ ధీరజ్ కునుబిల్లి ఓ ప్రకటనలో తెలిపారు.