ఒంటిమిట్ట,సిద్ధవటం మండలాలను రాజంపేట డివిజన్ లో కలపడంపై అభ్యంతరాలు తెలియజేయాలి

జిల్లా కలెక్టర్ నిశాంత్ కుమార్

అన్నమయ్య జిల్లా నవంబర్ 28:

(నవ్యంధ్ర న్యూస్ )

కడప జిల్లా, కడప రెవెన్యూ డివిజన్ లో భాగంగా ఉన్న ఒంటిమిట్ట,సిద్ధవటం మండలాలను
అన్నమయ్య జిల్లా, రాజంపేట డివిజన్ లో కలపాలని రాష్ట్ర ప్రభుత్వం ప్రతిపాదించిన నేపథ్యంలో మండలాలలో నివసిస్తూ ప్రభావితమయ్యే అవకాశం ఉన్న ప్రజలందరి ద్వారా
ఈ ప్రతిపాదనపై అభ్యంతరాలు లేదా సూచనలను ఆహ్వానించడమైనదని జిల్లా కలెక్టర్ నిశాంత్ కుమార్ ఒక ప్రకటనలో పేర్కొన్నారు.
సదరుఅభ్యంతరాలను ప్రస్తుతం ఆ ప్రాంతం ఎవరి అధికార పరిధిలో ఉందో ఆ కలెక్టర్ కు నవంబర్ 28 నుండి 30 రోజుల లోపు ఇంగ్లీషు లేదా తెలుగులో లిఖితపూర్వకంగా పంపగలరని జిల్లా కలెక్టర్ నిశాంత్ కుమార్ పేర్కొన్నారు.