ఈ సందర్భంగా డాక్టర్ సోమనాథ్ అమెరికా పర్యటనకు ప్రధాన ఉద్దేశ్యంగా విద్య, పరిశోధన సాంకేతిక రంగాలలో ఆధునిక విధానాలను అధ్యయనం చేసి, వాటిని భారతదేశంలో అమలు చేయడం ద్వారా దేశ విద్యా ప్రమాణాలను ప్రపంచస్థాయికి తీసుకువెళ్లాలని భావిస్తున్నారని తెలిపారు. విద్యార్థులలో శాస్త్రీయ ఆలోచన, పరిశోధనా దృష్టి, సాంకేతిక ఆవిష్కరణల పట్ల ఆసక్తి పెంపొందించాల్సిన అవసరాన్ని ప్రస్తావించారు.
ఈ సందర్భంగా ఆంధ్రప్రదేశ్ రాష్ట్రంలోని విశ్వవిద్యాలయాలు, కళాశాలలు మరియు సాంకేతిక సంస్థల అభివృద్ధి, అంతర్జాతీయ సహకారం, మరియు గ్లోబల్ విద్యా ప్రమాణాల సాధన దిశగా చేపట్టాల్సిన చర్యలపై ఇద్దరూ సుదీర్ఘంగా చర్చించారు.
డాక్టర్ సోమనాథ్ భవిష్యత్తు తరాలు శాస్త్ర, సాంకేతిక రంగాలలో ప్రపంచానికి నాయకత్వం వహించాలంటే నాణ్యమైన విద్యతో పాటు సృజనాత్మకత, పరిశోధనాత్మక దృష్టి నైతిక విలువలు కీలకమన్నారు