జర్నలిస్టుల సమస్యలపై వినతి పత్రాన్ని అందజేసిన ఏపీజేఎఫ్ నేతలు.
జర్నలిస్టుల సమస్యల పరిష్కారానికి తక్షణమే చర్యలు తీసుకుంటాం

జర్నలిస్టుల సమస్యలు పై తక్షణ చర్యలు తీసుకోవాలని అధికారులను ఆదేశించిన రాష్ట్ర సమాచార శాఖ మాత్యులు కోలుసు పార్థసారథి.

జర్నలిస్టుల సమస్యలను ముఖ్యమంత్రితో చర్చించి త్వరతగతిన పరిష్కరిస్తాం

                             అమరావతి,ఆగస్టు 14  

( నవ్యాంధ్ర న్యూస్ )

జర్నలిస్టుల సమస్యల పరిష్కారానికి ప్రభుత్వం చిత్తశుద్ధితో కృషి చేస్తుందని రాష్ట్ర గృహ నిర్మాణ,సమాచార శాఖ మంత్రి కోలుసు పార్థసారథి అన్నారు.
గత ప్రభుత్వ నిర్లక్ష్య వైఖరి వల్ల జర్నలిస్టులు ఇప్పటికి తీవ్ర సమస్యలు ఎదుర్కొంటున్నారని జర్నలిస్టుల సంక్షేమ పథకాలను తక్షణమే అమలు చేయాలని, ఆగస్టు 30 లోపల నూతన అక్రిడేషన్ మంజూరు చేసే విధంగా తగుచర్యలు తీసుకోవాలని ఆంధ్రప్రదేశ్ జర్నలిస్ట్ ఫోరమ్ రాష్ట్ర అధ్యక్షులు పి శివ రాజేష్ నేతృత్వంలోనీ బృందం గురువారం సెక్రటేరియట్ లో మంత్రి పార్థసారధికి వినతిపత్రం అందజేశారు. ఈ సందర్బంగా వారు మాట్లాడుతూ జర్నలిస్టుల ఆరోగ్య బీమా పరిమితి రెండు లక్షల నుంచి పది లక్షలకు పెంచాలని,జర్నలిస్టుల హెల్త్ కార్డులు అన్ని కార్పొరేట్ హాస్పిటల్ లో చలామణి అయ్యేవిధంగా తగు ఆదేశాలు ఇవ్వాలని ఎపిజెఫ్ నాయకులు మంత్రిని కోరారు. చంద్రబాబు నాయుడు గత ప్రభుత్వంలో ఏపీజేఎఫ్ చొరవతో అమలులోకి వచ్చిన జర్నలిస్ట్ బీమా పథకాన్ని 10 లక్షలు నుంచి 20 లక్షలకు పెంచి తక్షణమే అమలు చేయాలని, 20 సంవత్సరాలు దాటిన పాత్రికేయులకు వివిధ రాష్ట్రాలలో అమలులో ఉన్న విధంగా 15,000 పెన్షన్ మంజూరు చేయాలని,జర్నలిస్టు వెల్ఫేర్ ఫండ్ కు 100 కోట్లు కేటాయించి పాత్రికేయ మిత్రులకు భరోసా కల్పించాలన్నారు జర్నలిస్టు వ్యవస్థలపై ఇచ్చిన జీవోను పునః పరిశీలించి జర్నలిస్టుల ఇంటి నిర్మాణ కలను సాకారం చేయాలని, జర్నలిస్టులకు వేజ్ బోర్డు పై కేంద్ర ప్రభుత్వం తగు చర్యలు తీసుకోవాలని, జర్నలిస్ట్ కు కేంద్ర ప్రభుత్వం రైల్వే 50% రాయితీని కల్పించాలని ఏపీజేఎఫ్ నేతలు మంత్రిని కోరారు. ఏపీజేఎఫ్ నేతలతో సమావేశమైన మంత్రి వివిధ అంశాలపై సుదీర్ఘంగా చర్చించి జర్నలిస్టుల 10 లక్షల బీమా పథకం పై, అదేవిధంగా జర్నలిస్టుల హెల్త్ కార్డుల పరిమితి 20 లక్షలకు పెంపు పై తగు చర్యలు తీసుకోవాల్సిందిగా అధికారులకు సూచించారు. జర్నలిస్టుల పెన్షన్ ఇళ్ల నిర్మాణం పథకాలు ముఖ్యమంత్రి చంద్రబాబునాయుడు దృష్టిలో ఉన్నాయని వాటిని అందించేందుకు కృషి చేస్తామని మంత్రి ఏపీజేఎఫ్ నేతలకు హామీ ఇచ్చారు.
ఈ కార్యక్రమంలో ఏపీజేఎఫ్ రాష్ట్ర కోశాధికారి గాంధీ బాబు,ఏపీజేఎఫ్ ఎలక్ట్రానిక్ మీడియా విభాగం రాష్ట్ర అధ్యక్షులు మద్దినేని అనిల్, గౌరవాధ్యక్షుడు ఈశ్వర్, ఎపిజేఎఫ్ నాయకులు చక్రధర్, లిఖిత, సీనియర్ జర్నలిస్ట్ సంఘం నాయకులు ఏ.వి. శ్రీనివాస్ రావు తదితరులు పాల్గొన్నారు.