వృక్షాలను గోరాతి ఘోరంగా నరికి నేలమట్టం చేసిన విద్యుత్ శాఖ అధికారులపై కేసులు నమోదు చేయాలి

చెట్లు నాటేది ఒకరు నరికేది మరొకరు

పర్యావరణాన్ని రక్షించేదేవరు మరి

పర్యావరణ పరిరక్షణకు పాటుపడాలని ప్రభుత్వ కార్యక్రమాలు

అన్నమయ్య జిల్లా సెప్టెంబర్ 14

( నవ్యాంధ్ర న్యూస్ )

ప్రతి ఒక్కరు చెట్లను నాటి పర్యావరణాన్ని కాపాడుకోవడంతో పాటు పచ్చదనాన్ని పెంచేందుకు ప్రభుత్వం ఓ వైపు మొక్కలు నాటుతుంటే.. మరోవైపు కొందరు దుకాణ యజమానులు, రోడ్లపక్క ఏపుగా పెరిగిన పచ్చని చెట్లను నరికేస్తున్నారు.

రాజంపేట ప్రధాన రహదారిలోని వృక్షాలను విద్యుత్ అధికారులు నేలమట్టం చేశారు.
వేసవిలో ఎండ తీవ్రతకు వాహన చోదకులు
ఆ వృక్షాల కిందనే సేదతీరుతారు.విద్యుత్ అధికారులు నిర్లక్ష్యంగా వృక్షాలను కొట్టేయడంతో నీడ కరువైందని వాహన చోదకులు ఆవేదన వ్యక్తం చేస్తున్నారు.గతంలో వృక్షాలను తొలగిస్తుంటే పాత్రికేయులు అడ్డుకొన్నారు శనివారం ప్రధాన రహదారి వెంబడి విద్యుత్ వైర్లకు అడ్డుగా ఉన్నాయని నీడనిచ్చే వృక్షాలను గోరతి ఘోరంగా నరికి నేలపాలు చేశారు విద్యుత్ శాఖ అధికారులు.విద్యుత్ సరఫరాకు అంతరాయమనే నెపంతో అడ్డువచ్చిన చిన్న కొమ్మను తొలగించే అవకాశం ఉన్న వృక్షాలను అడ్డదిడ్డంగా కనుమరుగయ్యే విధంగా నరకడంతో పర్యావరణం పరిరక్షణ ఏదని స్థానికులుప్రశ్నిస్తున్నారు.ప్రభుత్వం పకడ్బందీ చర్యలు చేపట్టినా
మీ దారి మీదే మా దారి మాదే అంటున్నారు విద్యుత్ శాఖ అధికారులు వృక్షాలను నరుకుతుంటే
ఒక శాఖ అధికారులు వృక్షాలను నాటుతూ ప్రజాధనం ఖర్చు చేస్తున్నారు,విద్యుత్ శాఖ అధికారులు విద్యుత్ తీగలకు అడ్డు గా ఉన్నాయని వృక్షాలను నరికి నేలపాలు చేయడం ఎంతవరకు సబబు అని ప్రజలు వాపోతున్నారు ఇటీవల నందలూరులో విద్యుత్ శాఖ అధికారుల పై అటవీ శాఖ అధికారులు కేసులు నమోదు చేశారు రాజంపేటలో ఇంత ఘోరానికి పాల్పడితే మున్సిపాలిటీ, అటవీ శాఖ, స్వచ్ఛంద సేవా సంస్థల వారు పట్టించుకుకపోవడంతో పర్యావరణాన్ని కాపాడే వారేలేరా ఇప్పటికైనా వృక్షాలను గోరాతి ఘోరంగా నరికి నేలమట్టం చేసిన విద్యుత్ శాఖ అధికారుల పై కేసులు నమోదు చేయాలని ప్రజలు కోరుతున్నారు