రాజంపేట (నవ్యంధ్ర) కవితా పితామహుడు కలియుగ దైవం శ్రీ వెంకటేశ్వర స్వామి పరమ భక్తుడు అన్నమాచార్యుల 617 వ జయంతి మహోత్సవాలు ఈనెల 12వ తేదీ నుంచి 14వ తేదీ వరకు అటు అన్నమయ్య జన్మస్థలి తాళ్లపాక గ్రామంలో, ఇటు అన్నమయ్య 108 అడుగుల విగ్రహం వద్ద మూడు రోజులు పాటు నిర్వహించనున్నట్లు తాళ్లపాక ఆలయాల ఇన్స్పెక్టర్ బాలాజీ తెలిపారు. ఇందులో భాగంగా 12 వ తేదీ ఉదయం 9 గంటల నుంచి 10 గంటల వరకు అన్నమాచార్య ప్రాజెక్టు కళాకారులచే గోష్టి గానం సప్తగిరి సంకీర్తనలు, నగర సంకీర్తన కార్యక్రమాలు ఉంటాయని తెలిపారు. ఉదయం 10 గంటల నుంచి మధ్యాహ్నం ఒంటిగంట వరకు శ్రీవారి కల్యాణం ఉంటుందని తెలిపారు. సాయంత్రం 6 గంటల నుంచి ఎనిమిదిన్నర గంటల వరకు సాంస్కృతి కార్యక్రమాలు ఉంటాయన్నారు. అదేవిధంగా 13 14 తేదీలలో అన్నమయ్య జన్మస్థలి తాలపాక లో 108 అడుగుల విగ్రహం వద్ద సాయంత్రం 6 గంటల నుంచి 8:30 గంటల వరకు సాంస్కృతిక కార్యక్రమాలు నిర్వహించినట్లు తెలిపారు కావున భక్తులందరూ పెద్ద ఎత్తున ఈ ఉత్సవాలకు హాజరై అన్నమయ్య జయంతి ఉత్సవాలను విజయవంతం చేయాలని పిలుపునిచ్చారు.
