కానీ, సరస్వతి కటాక్షం తద్విరుద్ధం. ఈ తల్లి కటాక్షం అరుదుగా లభిస్తుంది. ఒకసారి ఆదరిస్తే ఇక విడువదు. లభించిన కళ కొనవూపిరి వరుకూ ఉంటుంది.
కరుణ రసం లక్ష్మీదేవికి తక్కువ. ఎప్పుడు కాలం వక్రీకరిస్తుందో, తక్షణం వీడి వెళ్ళిపోతుంది. “అయ్యో పాపం” అనే కనికరం ఏ కోశానా ఉండదు.
మనం చాలామంది విషయంలో చూస్తూ వుంటాం. సరస్వతీ కటాక్షం వున్నా కూడా, ఆర్థికంగా నిలదొక్కుకోలేరు. పేదరికం కాకున్నా, రేపు ఎప్పుడూ ఒక ప్రశ్నే.
చివరికి మిగిలేది ఏమంటే, సరస్వతీ దేవి తనవారికి ఖ్యాతి, వన్నె, అమరత్వం మిగులుస్తుంది. లక్ష్మీదేవి మాత్రం డిస్ కనెక్షన్ సూత్రం పాటిస్తుంది. అన్నీ వున్నవారు కూడా అనామకులుగా పోతారు. ఒక్కపైసా కూడా చెంత నిలవదు.
ఒకరు మనశ్శాంతి ఇస్తే, మరొకరు లాగేసుకుంటారు.
ఏది కావాలో అది ఎన్నుకునే స్వతంత్రం మనకి ఉండదు. వచ్చింది దక్కించు కోవడమే.
🙏🌼🌼🌼🙏